Parixe que o tiempo no pasa. Parixe que dende febrero ha pasau cosa. Pero astí ye, nobiembre, con os suyos fríos tardans. D'aquel febrero de fredo, de curset, de dudas...plegamos enta o nobiembre de cambeos, crisis y despidos. Fa 31 años que Marruecos imbadió "Pacificamen" o Sahara, y encara ha d'esistir Um Draigata remerar-nos que bi-ha un pueblo sobre as arenas, que encara luita cutiano ta perbibir. Fa 20 que abió de creyarse un organismo ta chestionar os fundos de l'Archiu d'a Corona d'Aragón, an i son os alazez d'o que un diya estio una gran potenzia europea y que guei luita dende mil trestallos entre a integrazión forzosa y l'irredentismo posible. 20 años dimpués o gobierno español ha teniu o "grazioso zeño" de creyar, de una puta begada, o Patronato. Con risos de fato mos ne miramos dende astí, un pais que ta beluns nunca abió de esistir, y que, profés, nunca mas abrá de tornar a esistir. Charrando d'o patriotismo de Espe(Ranza) Aguirre, la rica,charran en Libertad Digital que "nomás o nazionalismo español ye inclusibo". Y tienen tota la razón. Ye inclusibo mesmo ta os que no quieren estar d'españols. ¿Qué más muestra d'aimor que de sacar tot ta incluyir en os aimans brazos de l'españolisima patria? Tan inclusibo ye que cabe tot. Quiera o no.  Y si no cabe, lo estigtamitiza, ista España nuestra.  Y astí paz y dimpués gloria. De incluyitos son os camposans y as cunetas plenos. ¿Qué menos?. Guei ye como siempre. Maitín será como guei. Y o futuro en l'aire. En a esperanza, en a de berda. En o mal menor que suposan os sandinistas en Nicaragua, 16 años dimpués de tresbatir a reboluzión. En a rebeldía de Oaxacatamién bi ha futuro. O zierzo mos porta purnas de rebeldía. ¿Que son uns foraz en a chambreta a cambio de bibir?

D'a Plataforma 6 d'otubre plega isto

O prosimo diya biernes 6 d'otubre dende as 20:30 en as escaleras d'a DPZ (Pza. Expaña), se zilebrará una concentración con o lema "Dengún estatuto nos ferá libres". Beyemos a nezesidá de que ya ye ora de estar en as carreras y fer notar a nuestra opinión y por ixo conbocamos ista manifestazión.

1. Entendemos que a bía de l'autonomismoye un prozeso que á dia de güe ye acotolau
en si mismo. L'exemplo más claro ha estau a reforma de l'estatuto d'autonomíad'Aragón, que estos días pasa por o filtro d'o Parlamento Español. Un
prozeso de reforma que no ha estau sino una mena d'opereta d'uns cuans
politicos arroclaus en una cambra mientres un periodo de tiempo
determinau, situaus á o marguin de tot y de toz.
2. Creyemos que a utopía d'un Aragón Libre,
que a libertat de o nuestro pueblo, no pasa por una simpla lei, sino
que ésta s'aconsigue y se gana en o día á día. La libertat d'Aragón no
bendrá dada por garra estatuto d'autonomía. Y ye que DENGÚN ESTATUTO NOS FERA LIBRES.
3. Consideramos que ye mensiter entre toz y totas escomenzipiar á construyir un mobimiento d'emanzipazión nazional, sozial y de solidaridatque supere o tarabidau d'a partitocrazia de l'actual sistema. Por ixo
nos pensamos que cal escomenzar á achuntar boluntaz y aizions que,
respetando as singularidaz d'organizazions, colectibos y presonas,
baigan complegando enta un espazio común d'afinidat, superando l'amugau
campo d'aizión de lo que en l'actualidat s'entiende como LO POLITICO.

¿Me'n torno ta Zaragoza? Puestar. Pende, como siempre,
d'o triballo. D'as entrebistas. Por l'inte tres prozesos de seleuzion
esferens que son pendientes. Uno astí en Barzelona, dos en Zaragoza.
Qui sabe. Igual ha plegado l'inte de tornar t'o país. Ayer, dentre
Ambar e Ambar, en Barzelona, filosofemos sobre ixo que fa que tantos
aigamos de tener que marchar d'Aragón. Charramos d'infraestruturas que
nunca no plegan, pero tamién d'ixe tan nuestro "ni bibir, ni dixar
estar". D'ixas instituzions que se'n tresbaten dentre os laberintos
alministratius y que no fan guaire ta potenziar o que ye de nusatros.
Pero tamién d'ixe coleutibo "los aragoneses", que preferimos siempre o
de fuera que o de dentro. D'ixe pensar que nombrar con un nombre
aragonés o moñaco ixe diseñato por un catalán ye probinzian y paleto.
D'ixe pensar que tot mos ha de plegar de difuera. D'ixa soziedat zebil
que nomás se muebe en as grans ocasiones (y menos mal), a penar de que
o rio que mos porta demane una presenzia mas bital y cutiana. D'as
iniziatibas particulars que mueren en o xubliu, ya no nomás por a
desidia instituzional sino por a mala baba particlar. Y asti remanimos.
Pero ixo ye tamién o que fa ilusións. No sirbe o bitimismo, y amás no
soi d'ixos. Prefiero fer o mio chicot empentón. Ser un chicot grano
d'arena que faga bella cosa ta erosionar a mole. Prefiero, encara
beyendo tot ixo, continar luitando por fer un maitin coleutibo.
Prefiero fer-ne, porque si no lo foi siempre tendré l'autorencor, y
asinas a lo menos, podré dizir que as mias chiquetas alportazions
fazioron bella cosa. Y si os atros no en quieren, pues cosa, a yo rai.
Pero bi soi yo, en a mia propia soledat conszien, fendo cara a o
biento. Y  porque amás no tot ye desidia, tamién bi ha ixos que
s'organizan y biben, y creyen, y creyan y sienten y sientan os alazez
d'o maitín. O a lo menos, no dixa tresbatir o pasado que mos se caye a
cachos. Por ixo, surten iniziatibas como Charrando Telebisión. Dentre atros. Frano a grano. Trango a trango. Amonico, amonico. A soziedat zebil tamién en tiene de parolas.

En o "Chemeco d'as parolas" proposan un par d'os posibles nombresta
la mascota d'a Expo2008. Ayer, mientres beniba en o bus entaBarzelona
me pensé  tamién que "chisla" (gota, en aragonés),podría estar un
buen nombre. Ye aragonés, en tiene de sonorida, parixesimpatico ta
nombre de una mascota, por muy extraterrestre que siga,ydonaría de un
menimo conteniu "fablán" a una Expo, an, comosiempre, ista luenga no en
tendrá puesto. Dende Purnas tos conbido apartizipar en a eleuzión d'o
nombre d'a mascota d'a Expo, nimbiandoun SMS a o 7078 "expomascota
chisla", a beyer si podemos meter o nombred'o "bicho" ixe en aragonés.

ps. O lumero ixe ye de Expoagua e no pas de Purnas. Nimbiar o mensache bale 90 zentimos de euro, como esplican en o Periódico de Aragón.

En 1591 un exerzito castellano plegaba enta Aragón, se concaraba en Epila con una colla achuntada por os nobles aragoneses e dentraba en Zaragoza sin de oposizión. Asinas remataba un d'os feitos mas tristes d'a nuestra istoria. Por esfendez a un reo, Antonio Perez, Aragón trucó a las suyas instituzions e identidat como pueblo. Pero no luitó ta esfender-las. Con a capeza de Juan de Lanuza, el Mozo, cayeban tamien una gran parti d'os nuestros fueros, retallados en Tarazona l'añada benién por Felipe I d'Aragón, II de Castiella. Con a suya capeza cayeban tamien os tiempos en os que Aragón sabeba esfender os fueros e os suyos dreitos. Un istoriador franzés, François Mignet, rezentaba en o sieglo XIX: "Os aragoneses yera, e encara son, un pueblo argüelloso d'o suyo pasado e d'a suya istoria, e argüelloso d'as suyas libertaz e chustizias, pero allora, encara que arguellosos d'a suya libertat no sabioron esfender-la". En Zaragoza, mientres os soldaus castellans redolaban o cadalso, os ziudadans s'amagaban en casa suya. Nomás a boira estió testimonio de l'astral que talló a capeza d'o Chustizia. Guei, 414 años dimpues, o suyo remero ferá que en aiga chen que porti flors e bandieras, e os aragoneses tenemos de nuebas a instituzión, o más biello esfensor d'o pueblo d'a istoria. Pero siempre remanirá en l'aire o rumor d'un diya en o que Aragón no sabió esfender o suyo bien mas quiesto, as libertaz d'a suya chen.

Con ixe goyo en o cuerpo os manifestáns se chitaron ta la carrera
unatra begata. Os manifestans que no se manifestaban. As sorors, os
mosens e a cadena Cope. Emitindo ta tota la galaxia. "Puigcercós yera o
brazo politico de Terra Lliure e puestar que refirmara que prebaran de
matarme", dizió Federico. "Trencan a nazión, l'educazión", e o mundo,
lis mancó dizir. Entre 300.000 e 1.500.000. Nomás enzertó l'ABC, ye
esclatero, porque ya o biernes diziba que bi'n abría 1 millon de
manifestans, como ta lebar-se a contraria dimpués. Contra a lei de
educazión, contra l'estatuto catalán, contra o achuste de omosecsuals,
contra os antipatriotas y os traidors, con as banderas bitoriosas e os
escutos de pollos sin de gripe pero feitos de negro. Una mica contra
tot ixo que no ye a España amagada por deseyo propio dentro d'o
sepulcro d'o Cid, ixe bendepatrias feito eroe. Desixindo dimisions,
renunzias a o programa eleutoral e con a consinna "somos 10 millons"
que no replenan con "frente a atros 15 millons" que no botoron a o PP,
como estaría normal. O dreito a la prozesión por Madrid. O dreito de
estar protestans que tamien tienen os catolicos. E con a unica frase
con berda en as suyas pancartas, "La COPE somos todos". Cuanta razón,
estando que ye bosada por a Ilesia, ye dizir por toz os que bosamos
impuestos. Me darán un miniespazio por ixo d'a libertat de espresion?.
E Acebes dizindo que "es necesario que esta generación pueda sentirse
española". O problema, siñor Acebes, ye que dica fa 30 años nomás
podebas sentir-te español. O español o cosa. O problema, siñor Acebes,
ye que l'amostranza e as suyas leis no sirben ta sentirse español o de
Singapur. O problema, siñor Acebes ye que bi ha chen que no quiere ser
española, ni mos sentimos asinas. Siempre en a marguin razonable de toz
os terminos, profés.

A plebia grisa caye prou luen d'as fogueras de París. A plebia grisa no sape an cayer ta no aturar as rebelions, asinas que nomás caye an no bi'n ha. Quiers mullar-te o pretar fuegos? Toz tenemos que dezidir.

Mientres a chen normal e seriosa ye fendo-se cruzes sobre o que pasa en Franzia e por qué pasa, os nuestros Ciberpunkss'alticaman por si as algaras son netwar u swarming.
Redescubrir ixo descubierto tiene o suyo merito, tot e teniendo en
cuenta que as suyas opinions tienen zierto refirme en os mass-media. En
a Edat Meya europea ya esistiba o swarming, en castizo, o gregrarismo,
usiga o que fa mara. Ixo que fa a zierto lumero de chen imitar o que
belún ya ha comenzipiato ta rematar achuntando-se en una mara informe
de biolens, aplaudidors, chufladors o cualsiquier atro tipo de ramada
umana.
A parola biene d'a zoolochía, e en anglés s'usa ta as bancadas de pexes
e as bandadas de paxaros que se copian unos t'atros  ta plegar a
bel ochetibo común, siga a corrién d'o golgo u a laguna de Gallocanta.
O swarming, fer mara, feba que si en un lugar s'adedicaban a abatanar
chodigos, os d'o lugar d'o costau fesen o mesmo.
O swarming, fer mara, feba que si en un lugar cremaban o castiello d'o
siñor, l'algara se estendillase. O swarming, a la fin, ye tan biello
como o mundo, e no por ixo no bi-ha qui se dixa embolicar por a maxia
d'as parolas anglesas e os conzeutos ziberquitaus ta la reyalidat ta
esposar defizils teorias sozials que ya en son estudiatas e conoxitas
dende a suya propia conzeuzión. Enzender a las maras. Algaras. Enzender
a purna. Conzeutos basicos de l'agitprop, d'as reboluzions obreras e
campesinas, e d'as teorias alazetals d'a propaganda politica.

En ixo que dizen España teniemos os nuestros propios swarmeros, e
conbido a fer o siguién esperimento. Colocar en un adibidor toz os
blogs liberals (sic), usiga, faxistas, e comtimparar as dentratas d'un
diya con os tetulars de Libertad Digital d'ixe diya. Tot un esito de
periodico dichital, que ye capaz de adibir en o suyo torno a tota una
ramada de amigos d'a Patria. Sugus ta ellos, Swarming liberal (sic)

Maitin charraré de l'ipertesto, e de como ha embuyito o zine e a
literatura bella cosa que surtió d'o ziberespazio estando que yera
inbentanto dende o sieglo XVII. Ai, que bonita ye l'istoria.

Borrador ta o descurso de Marzelino Iglesias en a maya de presidens autonomicos en o Senato español.

Siñor Presidén, señors e señoras presidens autonomicas, señors e señoras senadors.

O mio descurso  estará breu, como breu estará o tiempo en o que
l'Estato faiga efeutibas as demandas d'istas parolas. Dende Aragón e en
birtut de l'Estatuto en bigor, e d'o que estará feito d'astí a un
tiempo, nomás tenemos que dizir:

1. Desiximos o pago inmediato d'a deuta de más de 480 millons d'euros que l'Estato tiene con l'alministrazión aragonesa.

2. Desiximos o traspaso inmediato de l'alministrazión d'a Chustizia, probista con os suyos fundos correspondiens.

3. Desiximos o mesmo trato que cualsiquier atra nazionalidat u
rechión d'España, e por ixo, e con os dreitos istoricos que mos
emparan, asinas como a restituzión d'os fueros sacados por os decretos
de nueba planta, desiximo un conzierto economico como o que espleitan
Euskadi e Nabarra.

4. Desiximo o cumplimén total d'os alcuerdos ta la zelebrazión d'a
Expo de Zaragoza, construzión de infraestruturas en bigor e adecuazión
d'as ya esistens, e que en ye demorando-se dende fa mas de 4 años, como
a gara de buses de Zaragoza, a finalización de l'autobía mudexar, o
corredor Pamplona-Huesca-Lerida, l'Abe Madrid-Teruel-Balenzia u o
desdople d'a A-II dende Zaragoza dica Fraga.

5. Desiximos a obertura d'un paso carretero e ferrobiario dinno e
ecoloxico por os Pirineos aragoneses como contemplan os alcuerdos
feitos con os Estatos franzés e español.

6. Desiximos que cualsiquier obra idraulica que afeute os dreitos
aragoneses en cualsiquier manera tienga que estar aprebata por as
Cortes d'Aragón.

Istas son momás bellas d'as nuestras reibindicazions. En o caso de no
estar atenditas en un inte razonable, l'Almenistrazión aragonesa s'alza
o dreito de limitar a colaborazión economica, fiscal e politica con
l'Estato español.

Muitas grazias.

ps. S'azeutan nuebas linias en o borrador dica ista tardi.

En o diya de guei, fa 30 años, l'agonico estau franquista permitiba
l'ocupazión d'o Sahara por parti de Marruecos. Guei, tres decadas de
ocupazión esilio e guerra, no han feito que España adoute una posizión
dezidita e o pueblo d'as dunas  contina enfrontando o siroco con dinnidat e con os suyos  muertos. En o disierto, refuxiatos e fendo alox a os que Marruecos quereba
dixar morir en o disierto. O prosimo 12 de nobiembre cal estar en
Madrid, en a manifestazión que desixirá a o Gobierno español una
postura firme en o tema. Ni os gobiernos d'o PSOE ni os d'o PP han
feito o nesezario ta que Marruecos rispete a legalidat entrenazional e
torne a suya soberanía a o Sahara. A os saharauis. O Pueblo d'as dunas.
Os xublidatos. Os fillos de l'arena. Entre a tregua, a calma e a luita.

Ta más informazión: 

Dende Aragón: Um Draiga

Des de Catalunya: Amics del Sáhara